لسة متعرفش يعني اي انظمة محاسبة تعالي مع بعض ناخد نبذة بسيطة عن المجال
الانظمة المحاسبية ببساطة هي الطريقة اللي بتقدر تسجل وتتابع بيها حسابات الشركة بتاعتك أو المؤسسة الخاصة بيك ؛ يعني لو انت عاوز تتابع حاجة في شركتك زي بتكسب وبتخسر قد اي والمصادر والايرادات ، والديون اللي عليك ، وأي تفاصيل مالية تانية ، ف الانظمة هي اللي بتساعدك توصل للمعلومات دي بكل بساطة .
الهدف منها انها مش بس تسجل وتتابع ، دي كمان بتساعدك تحلل بيانات شركتك اللي من خلالها هتبقي عارف بتتصرف ازاي وتبقي متاكد ان كل قرار بتاخده في محله . يعني مثلاً، لو شفت الشركة إن أكتر مصدر بيدخل ليها بيجي من قسم معين، ممكن تركز عليه أكتر وتطوره، أو لو شوفت إن في قسم ما بيشتغل الشغل باقل كفاءة عن المعتاد ، هيبقي عندك وقت كفاية انك تعمل اعادة دراسة للقسم دا وتطورة بحيث انه يرجع يشتغل بكل كفاءة تاني
بصفتك صاحب الشركة لازم تكون عارف إن الانظمة المحاسبية مهمة جداً. وأفضل خطوة ممكن تاخدها انك تختار نظام مناسب يسهل عليك الدنيا . وكمان وهتوفر عليك وقت ومجهود كبير جدا